सांगली : सांगलीचे आमदार सुधीरदादा गाडगीळ यांच्या गाडीचा अर्जुनवाड सर्व्हिस रोडवर अपघात झाला. या अपघातात त्यांच्या हाताच्या बोटाला किरकोळ दुखापत झाली असून गाडीतील एअरबॅग वेळेत उघडल्याने मोठा अनर्थ टळला.
मिळालेल्या माहितीनुसार, आमदार सुधीरदादा गाडगीळ हे म्हैशाळहून सांगलीच्या दिशेने येत होते. त्यावेळी अर्जुनवाड सर्व्हिस रोडवर अचानक एक दुचाकीस्वार त्यांच्या गाडीसमोर आल्याने हा अपघात झाला.
या अपघातात दुचाकीस्वार जखमी झाला असून त्याला उपचारासाठी रुग्णालयात दाखल करण्यात आले आहे. तर आमदार सुधीरदादा गाडगीळ यांच्या हाताच्या बोटाला किरकोळ दुखापत झाली आहे. गाडीतील एअरबॅग वेळेत उघडल्याने मोठी दुर्घटना टळली.
घटनेची माहिती मिळताच पोलीस घटनास्थळी दाखल झाले असून अपघाताची नोंद करून पुढील तपास सुरू आहे.
